မင့်ဝိဥာဉ် နဲ့ မှော်ဝင်စေခဲ့တဲ့ အိပ်မက်ရာသီ ဟာ ပြီးဆုံးသွားခဲ့ပါပြီလား… ။
ငါ့ကို ထပ်ပြီး ခြောက်လှန့်လှည့်ပါဦးတော့ … ကဝေပျိုမလေးရေ …။
စူးရဲတဲ့ အလင်းတို့ နဲ့ ငါ့ စိတ်ကူးတချို့ကို တခဏ ဖြစ်တည်ခွင့်တွေ ပေးလှည့်ပါဦးကွယ် ။ အဲဒီ့ စိတ်နှလုံး ရင်ခုန်
တက်ကြွမှုတွေက ငါ့ကို သေသွားစေဦးမယ် ဆိုရင်တောင် မင့် ပြုစားမှု ကကြိုးထဲမှာ အသက်ဓာတ် နဲ့ အမျှ
မျောလွင့်နေချင်လှပါသေးတယ် ။
မှော်ဆရာမလေးရေ …
လ” သာတဲ့ ကောင်းကင်ဆီက ကြယ်တွေကို ကြွေစေတတ်သလို ငါ့ အနာဂါတ်အတွက် စိတ်ခွန်အားမွေးဖွားခြင်း
မှာ မင့်ကသာ အထွတ်အမြတ် ဖြစ်ပါတော့တယ် ။ မင့်စိတ်ကြိုက် တန်ဆာဆင် မောင်းနှင်မယ့် ရထားမှာ ငါက
မြင်းရိုင်းတွေ နေရာမှာ ရှိမယ့်သူ ပါ ။ ငါ့ ခွန် ငါ့ အား နဲ့ မင့်ကို အောင်ပွဲတွေ ဆီ သွားဖို့ ကူညီလိုပါတယ် ။
ဒီ ဆန္ဒတွေ အတွက် ငါ့ကို ကြိုးတပ်မောင်းနှင်ဖို့ရာ ငါ့ထံ ပြန်လာပေးပါ ။ ငါ့မှာ မင့်ကို ပေးအပ်မယ့် ဆုလာဘ်
အဖြစ် နှလုံးအိမ် တပြင်လုံး ကြိမ်မီးအုန်းသလို လတ်လတ်ဆတ်ဆတ် ၊ သင်းသင်းပျပျ ထားရှိထားပါတယ် ။ မင့်
အလိုရှိသမျှ ငါ့ကို ခိုင်းစေညွှတ်တွားစေပြီး တဲ့အခါ ငါ့ နေ့ ညတို့ရဲ့ မျက်ရည်များ နဲ့ ဖန်တီးအပ်သော ၀ိုင်ရည်ချိုမြ
ကိုလည်း သောက်သုံးချင်မိရင် သောက်သုံးလိုက်ပါဦးတော့ … ။
မင့် စိတ်ကလေး တဒင်္ဂ ထူးမြတ်စေဖို့ ငါ့ဘ၀ ငါ့ခန္ဓာ ငါ့ကံကြမ္မာ တကိုယ်တာလုံး မင့်ခြေတော်ရင်းဆီ ငါကတော့
ထိုးအပ်လိုက်ပါပြီ ။ မင့် အပေါ် ဒီလောက်အထိ မြတ်မြတ်နိူးနိူး ဖြစ်စေမိလို့လည်း တကိုယ်ရေတကာယ ရပ်တည်
နေထိုင်ရတာ ခက်ခဲရပြီ ။ ငါ့ အနား မင်းမရှိမှတော့ ငါ့ ပိုင်ဆိုင်သမျှ ငါ့ အသက် ဆိုတာတောင် ပြည့်ပြည့်၀၀
မရှိတော့သလို …။
ကောင်မလေးရေ … မင့်ကြောင့်သေဆုံးရမယ် ဆိုလည်း အခုပဲ သေဆုံးလိုက်ချင်ပြီကွယ် ။ မင့်ကို
လွမ်းလွန်းလှလို့ တရိရိ နဲ့ ဆွေးမြေ့ကြေကွဲနေရတာ ငါ့မှာ သေကောင်ပေါင်းလဲ နိူင်လွန်းတော့လည်း ဘာကိုမှ
စိတ်ပါလက်ပါ မလုပ်နိူင်။ အာရုံခံစားမှု ဆိုတာတွေ မပါဘဲ ရိုဘော့ (Robot) ဆန်ဆန် လှုပ်ရှားရုန်းကန်မှုများနဲ့ပဲ
ရှင်သန်လည်ပတ်နေရတာ ရုပ်ဒြပ်ဆန်လွန်းလှပါတယ် ။
နှစ်ပေါင်း ဘယ်လောက်ကြာကြာ… မင့်ဆီက ပြန်ပေးအပ်လာမယ့် “ နှုတ်ခမ်း အနမ်း တို့ နဲ့ ငါ့ ၀ိဥာဉ်ကို လှုပ်နှိုး
တံပိုးခရာသံများနဲ့ ဆူဝေဖျတ်လတ်စေတော့မယ့် အချိန်” ဆိုတာကို နေ့တဓူဝ ငါက မျှော်လင့်နေမိပါတယ်။
အကြင်နာတရား ဟာ ဘယ်လောက်အထိ နူးညံ့သိမ်မွေ့မှန်း မင်းက ငါ့ကို သိစေခဲ့ပြီပဲလေ …။
အခု… ငါက အဲဒီ့ အကြင်နာတရားကို ငတ်မွတ်မိလို့ အခြားသောအရာများကို လျစ်လျူရှု ၊ လွမ်းတယ် ဆိုတဲ့
အသံတစ်ခု နဲ့ ပဲ နားအစုံ ရဲ့ နံရံကို ညံနေစေခဲ့ပါတယ်။ မင့်ထံက တစ်ချက်တစ်လေ ငဲ့ကြည့်တာလေးမှ
မရတော့ရင် အမေပြောသလို စိတ် နဲ့ ကိုယ် အိုးစားကွဲမြည်လား မသိ 
။
အမှန်တကယ်ပဲ သတိရ တမ်းတနေမိပါတယ် ချစ်သူရယ် …
ပဉ္စလက် မြို့ရိုးတွေ ၊ တောရိုင်းဆန်ဆန်ညတွေ ၊ သင်္ချိုင်းမြေက လေထုတွေ… လို ငါ့ နေ့ညတို့ဟာ ခြောက်သွေ့
နေပါပြီကောလေ …။ မင့် မာယာတွေ နဲ့ ထုံမွှမ်းရလောက်အောင် ထိုက်ထိုက်တန်တန် ရိုးအခဲ့လေတဲ့ ငါ့ကို
သတိရသေးတဲ့အခါ ပြန်လာကြည့်ပါ ။ မင့် အောင်မြင်မှု အတွက် ၊ မင့် လှည့်စားနိူင်မှု အတွက် ဂုဏ်တင်စရာ
တစ်ခုဖြစ်ဖြစ် … ပေါ့ ။
