ဟောသည်မှာ …
ကျွန်မ ရဲ့ အ၀ါရောင် ဖျော့ဖျော့ မျှော်လင့်ချက်တွေ ရှိတယ် ။
ရွှေသားဆန်တဲ့ မာကြောကြော မိုက်မဲရဲရင့်မှုတွေ ရှိတယ် ။
ချယ်ရီပန်းရနံ့ သင်းနေတဲ့ ကလေးဘ၀ ရဲ့ နာကြည်းချက်တွေ ရှိတယ် ။
ချစ်ခြင်းကို မယုံကြည်တဲ့ လှောင်ရယ်သံ အက်အက် တစ်ခု ရှိတယ် ။
လေပြေထဲမှာ လွင့်မျောနေတဲ့ ခရမ်းရောင်မာနတစ်ခု ရှိတယ် ။
သမုဒ္ဒရာ ခုနစ်စင်း နဲ့ အပြည့် ရွှေငါးကလေးတွေ ထည့်မွေးထားချင်တဲ့
ရူးသွပ်မှု တစ်ခုလည်း အသေအချာ ရှိတယ် ။
မျက်နှာချင်းဆိုင်က လာတဲ့သူတွေကို
ရှောင် …ရှောင်ပေးရတာ
လိုတာထက် ပိုကျဆုံး
အတ္တတွေ ဘုန်းနိမ့်ကုန်ပြီ လို့ ထင်တဲ့ မိန်းမ …။
အာရုဏ်ရောင်ခြည် ဖျဖျ ပျိုးတာတောင်မှ …
ဘ၀ က မနိုးနိူင်သေး။
လူတစ်ယောက် ရဲ့ စရိုက်ဟာ …
သူ့ ကိုယ်ပိုင်အိမ် နယ်နမိတ်ထဲမှာ နေနေတဲ့ အချိန်
အပေါ်လွင်ဆုံးပဲ ။ ။
မျဉ်းကြောင်းတွေ တားမှ စနစ်ကျတယ် မထင်ပါနဲ့ ။
လူ့ဘ၀ ဆိုတာ လက်ရေးလှ ပြိုင်ပွဲ ၀င်ပြိုင်နေတာမှ မဟုတ်တာ ။
ဘယ် ကိစ္စ အတွက် မဆို “တတိယလမ်း” ဆိုတာ ရှိတယ် ။
အဲဒါ ရှင်တို့ ကျွန်မတို့ မမြင်ရတဲ့ လမ်းတစ်ခုခုပဲ ။
မီးလုံးကျွမ်း တစ်ခုပ
ဘ၀ရေ
မင်းကိုငါ ဖြုတ်လဲပစ်ချင်နေလိုက်ပုံများ …။
Tags: NOTES